Connect with us

خبریں

ہنزہ کریم آباد میں ڈپٹی کمشنر کی جانب سے کھلی کچہری منعقد

رحیم امان

Published

on

(رحیم امان ، رحیم اللہ بیگ) ) کریم آباد ہنزہ میں سید علی اصغر ڈپٹی کمشنر ضلع ہنزہ کی جانب سے منعقدہ کھلی کچہری میں کریم آباد کے عوام اور سول سوسائٹیز اور دیگر اداروں کے نمائندوں کی جانب سے ہنزہ کریم آباد سیوریج لائین کی خستہ حالی،رابطہ سڑکوں کی تعمیر، خواتین ہسپتال کی فعالی، پینے کے صاف پانی کی عدم موجودگی ، سیلاب کے باعث تباہ شدہ پانی کے چینلوں کی مرمت ، ذمینوں کا کمپنسیشن ، صفائی کا فقدان، گرلز ہائی سکول کی بلڈنگ کی خستہ حالی ، رابطہ سڑکوں کی ٹینڈر میں تاخیر ، ڈسٹرکٹ بیس فیصد فنڈ کے اجراہ میں تاخیر سمیت کئی مسائل اور شکایات کے ڈھیر لگائے ۔ 

ہنزہ ڈپٹی کمشنر ہنزہ کی جانب سے تمام لائین ڈیپارٹمنٹ کے عہداران کے ہمراہ کریم آباد ہنزہ کے عمائدین و نوجوانان کے ساتھ کھلی کچہری کا انعقاد۔ 

کریم آباد کے مسائل کو اولین ترجیح دیکر حل کرنے کی کوشش کر رہے ہیں ۔ سعید علی اصغر
ہنزہ ڈیپٹی کمیشنر ہنزہ کے جانب سے کریم اباد ہنزہ کے مسائل سننے کے لیے عمادین کریم آباد اور یوتھ کے ساتھ کھلی کچہری کا انعقاد کیا ۔اس اہم اجلاس کا انعقاد کرنے کا مقصد کریم اباد کے مسائل کو سننا تھا۔ اس کھلی کچہری میں ہنزہ کے تمام لائن ڈیپارٹمنٹز کے اعلٰی عہداران نے بھی شرکت کی۔اس کھلی کچہری میں کریم آباد سمیت ہنزہ کے تمام مسائل کے پر مختلف محکوں کی جانب سے عوام کو بریفنگ دی گئی۔

اس موقع پر کریم آباد کے سول سوسائٹیز کی جانب سے کریم آباد ہنزہ کا سب اہم مسلہ پچیس سالہ پرانہ سیوریج لائین کا اٹھایا گیا اس موقع پر سول سوسائٹیز کے مشترکہ موقف پیش کرتے ہوئے کہا گیا کہ کریم آباد سیاحوں اور بین الاقوامی وفود کا مرکز ہے اور گلگت بلتستان اور پاکستان کا مثبت چہرہ پیش کرنے میں ہنزہ کریم آباد کا اہم کردار رہا ہے ، کریم آباد ،گنش اور مومن آباد کی تاریخی اور سیاحتی حیثیت کو مد نظر رکھتے ہوئے پچیس سال پہلے اپنی مدد آپ اور ڈونر کی فنڈز کی مدد سے سیوریج کا نظام قائم کیا گیا تھا ،آج یہ سیوریج لائین اپنی مدت پوری کرنے کی وجہ سے خستہ حالی کا شکار ہے،اگر حکومت ااس منصوبے کی بروقت مرمت نہیں کرے گی تو سیاحت کے سیزن میں یہ بہت بڑا ماحولیاتی ڈزاسٹر ہو سکتا ہے۔

ہنزہ ۔ کریم آباد ہنزہ ڈپٹی کمشنر کی جانب سے منعقدہ کردہ کھلی کچہری میں عوام کے مسائل سنے جارہے ہیں

اس موقع پر ڈیپٹی کمشنر ہنزہ سعید علی اصغر نے ہنزہ اکا مجموعی صورت حال اور مجموعی سوالات کا جواب دیتے ہوئے کہا کہ کھلی کچہری رکھنے کا مقصد اور اس کا فائدہ یہ ہے کہ یہان بیک وقت زندگی کے تمام طبقات کے ساتھ ملنے اور ان کو سن کا موقع ملتا ہے جس کی وجہ سے کلی صورت حال کو سمجھنے کا موقع ملتا ہے۔ واٹر چینل کی مرمت کا حوالہ دیتے ہوئے انہوں نے کہاکہ التت اور بلتت کے تمام واٹر چنلز کی مرمت کے لیے 3 کروڑ 45 لاکھ روپے رکھے گئے ہیں۔

کمپنسشن کے حوالے سے ایک سوال کا جواب دیتے ہوئے کہا کہ ابھی تک پرانا ریٹ چل رہے ہیں ۔اور ترقیاتی پروجیکٹ کے لیے استعمال ہونے والا زمین کا پرانا ریٹ ہی دیا جائے گا ہم نے پورئے ہنزہ کے لیے New Land Compancation Proposial جمع کروایا ہے منظوری کے بعد ہی نئے ریٹ دئیے جا سکتے ہیں یاد رہے کہ ضلع ہنزہ میں زمینوں کا سرکاری ریٹ بہت کم ہونے کی وجہ سے ترقیاتی کاموں کے لیے زمینوں حصول مشکل سے مشکل تر ہوتا جا رہا ہے ۔

ہنزہ ۔ کریم آباد ہنزہ ڈپٹی کمشنر کی جانب سے منعقدہ کردہ کھلی کچہری میں عوام کے مسائل سنے جارہے ہیں

ڈیپتی ہیلتھ آفیسر نے کہا کہ جب میں نے ہنزہ میں چارج سنبھالا تھا تب ہنزہ میں صرف دو ڈاکٹرز تعنات تھے اب ہم سے پورے ہنزہمیں 14 ڈاکٹرز تعنتات کیے ہیں جس کی وجہ پہلے کے نسبت صورت حال کافی بہتر ہوا ہے۔
اس موقع پر کیپٹن ریٹائیرڈ سید علی اصغر ڈپٹی کمشنر ضلع ہنزہ نے تمام متعلقہ محکموں کے افسران کو تمام شکایات کا اذالہ کرنے اور کام میں تیزی پیدا کرنے کی ہدایات دئیے اور آئندہ چند ہی دنوں میں کارکردگی کو بہتر بنانے اور عوام کو سہولیات فراہم کرنے کی ہدایات دیئے۔

اس موقع پر کریم آباد کا سب سے اہم مسلہ سیوریج کے مین لائینوں کی مرمت کرنے اور سیوریج کے نظام کو سیاحت کے سیزن میں خراب ہونے سے بچانے کے لیے احکامات جاری کئیں۔

Advertisement
Click to comment

پاکستان

آکا پاکستان اور گلگت بلتستان حکومت کے مابین سنٹرل ہنزہ میں پانی کے منصوبے کے لیے شراکت داری کا معاہدہ

جی بی اسٹاف

Published

on

آکا پاکستان اور گلگت بلتستان گو رنمٹ کے مابین سنٹرل ہنزہ کے لیے پانی کے منصوبے کے لیے شراکت داری کے معاہدہ

آغاخان ایجنسی فارہا بیٹاٹ، پاکستان ،گو رنمٹ آف گلگت بلتستان اور ہنزہ کی ضلعی انتظامیہ کے مابین سینٹرل ہنزہ کے لیے پانی کی فراہمی کے ایک بڑے منصوبے کے لیے شراکت داری کے معاہدے پر دستخط کئے گئے۔

آغاخان ایجنسی فارہا بیٹاٹ، پاکستان نے گو رنمٹ آف گلگت بلتستان کے ساتھ شراکت داری کی یاداشت پر دستخط کیے جس کے تحت عطاآباد جھیل سے سینٹرل ہنزہ کے ایک بڑے حصے کوگھر یلو اور تجارتی مقا صد کیلے پانی کی فراہمی کرنے کے لیے فز یبلٹی اسٹڈ ی Feasibility studyکی جائے گی. اس Feasibility study کے تحت جہاں آبادی اور سیاحوں کی تعداد میں اضافے کو مدنظر رکھا جائے وہاں اس سکیم کے ا نفراسکٹچر کو قدرتی آفات سے محفوظ رکھنے کے لیے درکار اسٹڈی بھی کی جائے گی۔ اس سلسلے میں ہنزہ میں بروز بدھ، 7 اکتوبر2020 کو گو رنمٹ آف گلگت بلتستان،ضلعی انتظامیہہنزہ اور آغاخان ایجنسی فارہا بیٹاٹ کے مابین اس مطالعے کے لیے یاداشت پر دستخط ہوئے۔ جس میں حکومت گلگت بلتستان کی جناب سے گلگت بلتستان کے ایڈشینل چیف سکریٹری جناب سید ابرار حسین شاہ، جناب فیاض آحمد،ڈپٹی کمشنر ہنزہ، جناب نواب علی خان، چیف ایگزیکٹو آفیسر، آغاخان ایجنسی فارہا بیٹاٹ پاکستان، سوسائٹی کے نمائندوں اور اے۔کے۔ڈی۔این کے لیڈرز نے شرکت کی۔

سینٹر ہنزہ کو پانی کی شدید قلت کا سامنہ ہے کیونکہ اس کی بیشتر آبادی پانی کی ضرورت کو دو گلشیز اور ان سے جڑے ندیاں (حسن آباد نالے اور التر نالے) سے پورا کر رہی ہے اور ان گلشیز پر حالیہ برفانی جھیل بنے اور ا ن کے پھٹنے کے واقعات نے پینے کے پانی کی عدم دستیابی اور دیگر معاشرتی انفراسٹر یکچر پر بہت اثر ڈالا ہے۔ جبکہ گھریلو استعمال کے پانی کی شدید قلت اور دیگر تجارتی سرگرمیوں میں تیز رفتار نشونما خصو صاً سیاحت میں اضافے کی وجہ سے پانی کی قلت کا یہ معاملہ اب شدت اختیار کر گیا ہے۔ لہذا آغاخان ایجنسی فارہا بیٹاٹ اپنی تکنیکی صلاحیتوں کو استعمال کر تے ہوے ان خطرات کے تشخیص کرنے میں گو رنمٹ آف گلگت بلتستان اور ہنزہ انتظامیہ کو Feasibility Study کرنے اور واٹر سپلائی ڈیزئن کرنے میں مدد فراہم کر رہی ہے۔

اس موقع پر گلگت بلتستان کے ایڈشینل چیف سکریٹری جناب سید ابرار حسین شاہ نے خطاب کرتے ہوئے کہا کہ گلگت بلتستان کی حکومت علاقے اور اس کی عوام کی ترقی کے لے ہمیشہ گامزن ہے۔ ہم آغاخان ڈولپمنٹ نیٹ ورک کا شکر گزار ہیں کہ وہ متعد ترقیاتی منصوبوں کا ادراک کر رہی ہے جس میں غربت کو کم کرنے اور کمیو نٹی کو با اختیار بنانے کے پروگرامزشامل ہیں۔ ہم بہت سے ترقیاتی اقدامات خصوصاً موسیماتی تبدیلیوں اور گلگت بلتستان کے دور دراز علاقوں تک پینے کے صاف پانی کی فراہمی کے اُمور کو حل کرنے کے لیے گو رنمٹ آف گلگت بلتستان کی طرف سے آغاخان ایجنسی فارہا بیٹاٹ کے تعاون کو سہراہتے ہیں۔

اپنے خطاب میں جناب فیاض آحمد،ڈپٹی کمشنر ہنزہ،نے کہا ہے اس ترقیاتی پراجیکٹ میں آغاخان ایجنسی فارہا بیٹاٹ کے ساتھ تعاون سے تجارت گاہوں،ہیلتھ سینٹر اور دیگر سکولوں اور تقر یبا 5500 گھرانوں کو صاف پانی ی فراہمی کو یقینی بنائے گی جس میں ہنزہ کے آٹھ بستیاں التت، فیض آباد، گنیش، گریلت، دوکھن اور علی آباد کے علاقو ں کو فائدہ ہو گا۔ اس Feasibilty Study کے تحت نہ صرف پینے کے صاف پانی کا مسئلہ حل کیا جائے گا بلکہ سینٹرل ہنزہ میں سیا حت کو فروغ ملے گی۔

جناب نواب علی خان، چیف ایگزیکٹو آفیسر آغاخان ایجنسی فارہا بیٹاٹ پاکستان اپنے تاثرات میں کہا کہ حکومت پاکستان اور اے۔کے۔ ڈی۔ این پاکستان کی ترقی اور یہاں کی عوام کی معیار زندگی کو بڑھانے کے لیے ہمیشہ کوشاں ہے۔ ان کا مذید کہنا تھا کہ اے۔ کے ۔ڈی۔ این، حکومت کی جانب سے تمام تر تعاون کا شکر گزار ہے۔

یاد رہے کہ گزشتہ تین دہائیوں میں ،آغاخان ایجنسی فارہا بیٹاٹ پاکستان نے پانچ لاکھ 500,000لوگوں کو پینے کے صاف پانی کی بنیادی سہولت فراہم کیا ہے جس سے نہ صرف لوگوں کی صحت اچھی ہوتی ہے بلکہ معاشی ترقی پر بھی مثبت اثرات مرتب ہوئے ہیں اور اس کے ساتھ ساتھ خواتین اور لڑکیوں کا دور دراز جگہوں سے پانی لانیکی مشقت میں خاطر خواہ کمی ہوئی ہے۔

Continue Reading

خبریں

کریم آباد بزنس ایسوسی ایشن بچوں کو تمباکو نوشی کی فراہمی پر عائد پابندی کی پاسداری کرے گی

اسلم شاہ

Published

on

کریم آباد بزنس ایسوسی ایشن کے عہداداران اور ممبران کو سیڈو گلگت بلتستان

ہنزہ (اسلم شاہ) کریم آباد بزنس ایسوسی ایشن اپنے ممبران کو انسداد تمباکو نوشی کے اصولوں پر عمل درآمد کرتے ہوئے بچوں کو تمباکو نوشی کی اشیاء کی فراہمی پر عائد پابندی کی پاسداری کرے گی۔ کریم آباد بزنس ایسوسی ایشن کابینہ اور ممبران۔

سیڈو گلگت بلتستان اور حکومت گلگت بلتستان کی جانب سے قوانین پر عمل درآمد کروانے اور انسداد تمباکو ایکٹ کی آگاہی سیشن کا انعقاد کیا گیا۔ سیشن میں انسداد تمباکو ایکٹ 2020 کی تفصیلات سے کریم آباد بزنس ایسوسی ایشن کے ممبران کو آگاہ کیا گیا اور انسداد تمباکو ایکٹ 2020 کی کاپی آگاہی کے لیے فراہم کی گئی۔

تفصیلات کے مطابق کریم آباد بزنس ایسوسی ایشن کے جنرل باڈی میٹنگ کے موقع پر سیڈو گلگت بلتستان کی جانب سے سیڈو گلگت بلتستان کے ہنزہ کے نمائندے کی جانب سے کریم آباد بزنس ایسوسی ایشن کے کابینہ اور ممبران کے لیے انسداد تمباکو ایکٹ کے متعلق ایک آگاہی سیشن کا انعقاد کیا گیا۔ اس موقع پر ایکٹ کی اہم نکات کی وضاحت کی گئی ہے او انسداد ر تمباکو ایکٹ کے متعلق سوالات کے جوابات دئے گئے .

کریم آباد بزنس ایسوسی ایشن کے عہداداران اور ممبران کو سیڈو گلگت بلتستان کی جانب سے انسداد تمباکو ایکٹ 2020 کے معلق آگہی سیشن میں ایکٹ کی کاپی اور بروشرز پیش کیے جا رہے ہیں
کریم آباد بزنس ایسوسی ایشن کے عہداداران اور ممبران کو سیڈو گلگت بلتستان کی جانب سے انسداد تمباکو ایکٹ 2020 کے معلق آگہی سیشن میں ایکٹ کی کاپی اور بروشرز پیش کیے جا رہے ہیں

اس موقع پر ایگزیکٹیو کمیٹی کے ممبران نے اس مہم کو سہراتے ہوئے کہا کہ اس مہم کے ذریعے نئی نسل کو تمباکو نوشی جییے لعنت سے دور رکھنے میں مدد ملی گی۔اس موقع پر کابینہ کے ارکان نے اپنے ممبران پر انسداد تمباکو ایکٹ پر عمل درآمد کرنے پر زور دیتے ہوئے کہا کہ تمام ممبران کو ان قوانین پر عمل درآمد کرکے اپنے آپ کو تادیبی کاروائیوں سے دور رکھیں اور معاشرے میں ایک مثبت کردار ادا کریں۔

اس موقع پر کریم آباد بزنس ایسوسی ایشن کے عہداداران کو بروشرز اور انسداد تمباکو ایکٹ کی کاپی فراہم کی گئی تاکہ اس کا مطالعہ کرکے اپنے ممبران کو آئندہ میٹنگ میں آگہی فراہم کی جاسکے۔

Continue Reading

خبریں

کریم آباد بازار ایسوسی ایشن کابینہ کی مدت پوری، کابینہ تحلیل

اسلم شاہ

Published

on

کریم آباد بازار ایسوشیشن

ہنزہ (اسلم شاہ) کریم آباد بازار ایسوسی ایشن کابینہ کی مدت پوری ہونے کے بعد صدر عبدالحمید نے کابینہ تحلیل کرنے کا اعلان، نئی کابینہ کے لیے تیرہ رکنی کمیٹی کی تشکیل۔ایک ہفتے کے اندار نئی کابینہ تشکیل دی جائے گی۔ سابقہ صدر اور کابینہ نے جنرل باڈی میٹنگ میں اپنا کارکردگی مالی رپورٹ پیش کیا۔سٹریٹ لائٹس، کریم آباد مین رورڑ کی میٹلنگ،پبلک ٹالیٹس،بازار میں نئے ٹرانفارمرز کی تنصیب، کچرے اُٹھانے کی گاڑیوں کی فراہمی سمیت کئی منصوبوں کے حصول کے لیے اپنی دور صدارت میں تکمیل کروائیں۔ سابقہ صدر عبدالحمید کریم آباد بازار ایسوسی ایشن۔

تفصیلات کے مطابق کر یم آباد بازار ایسوسی ایشن کے جنرل باڈی میٹنگ کا انعقاد ہاسی گاوا میموریل پبلک سکول کریم آباد میں منعقد ہوا، جنرل باڈی میٹنگ میں کر یم آباد بازار ایسوسی ایشن کابینہ کی مدت پوری ہونے کے بعد صدر عبدالحمید نے کابینہ تحلیل کرکے باہمی صلح مشورے کے ساتھ نئی کابینہ ترتیب دینے کے لیے تیرہ رکنی کمیٹی کی تشکیل دی گئی ہے،اس موقع پر سابقہ صدر کریم آباد بازار ایسوسی ایشن عبدالحمید نے اپنے خیالات کا اظہار کرتے ہوئے کہا کہ کریم آباد بازار ایسوسی ایشن کو یہ اعزاز حاصل کہ کریم آباد بازار ایسوسی ایشن باقاعدہ حکومت پاکستان کے ساتھ منسلک ہے، اس موقع پر انہوں نے اپنے کابینہ کی کارکردگی بیان کرتے ہوئے کہا کہ ہماری مقررہ مدت میں ہماری کابینہ کی کوششوں کی وجہ سے کریم آباد مین بازار میں اسٹریٹ لائٹس کا کروڑوں کا پروجیکٹ مکمل کروایا جس کے لیے ہم حکومت پاکستان کے مشکور ہیں۔

اس کے ساتھ ساتھ کریم آباد مین بازار میں روڑ میٹلنگ کو اٹھارہ فٹ تک چوڑا کروایاجو کہ پہلے صرف بارہ فٹ کا تھا،کریم آباد سیاحوں کی مشکلات کم کرنے کے لیے پبلک ٹوائلٹس کے لیے کام کیا جوکہ تکمیل کے آخری مراحل میں ہیں،اس ساتھ ساتھ ہنزہ میں زمینوں کی سرکاری نرخ ناموں کی ازسر نو تعین کے لیے حکومت کے اعلی حکام، جن میں گورنر گلگت بلتستان، وزیر اعلیٰ گلگت بلتستان اور چیف سیکرٹری گلگت بلتستان تک رجوع کیا۔

اس موقع پر فنانس سیکرٹری پیار علی نے فنانس رپورٹ پیش کرتے ہوئے ممبران کے سوالوں کے جوابات دئیے۔ کر یم آباد بازار ایسوسی ایشن کے جنرل باڈی میٹنگ میں ممبران نے کابینہ کی کاردگی کو سہراتے ہوئے خراج تحسین پیش کیا، اس موقع پر متفقہ طور پر فیصلہ کے تحت نئی کابینہ کی تشکیل کے لیے تیرہ رکنی کمیٹی کا انتخاب عمل میں لایا گیا۔اوریہ فیصلہ کیا گیا کہ ایک ہفتے کے اندر اندر نئی کابینہ تشکیل دے کر حلف برداری کی تقریب منعقد کی جائے گی۔

Continue Reading

مقبول تریں