Connect with us

خبریں

ہنزہ پریس کلب میں سول سوسائٹی اور سیڈو گلگت بلتستان کا اہم اجلاس

Avatar

Published

on

سیڈو گلگت بلتستان اور حکومت گلگت بلتستان کی مشترکہ مہم تمباکو سموک فری گلگت بلتستان مہم کے تحت سموک تمباکو سموک فری ہنزہ کے تحت ہنزہ پریس کلب میں سول سوسائٹی اور سیڈو گلگت بلتستان کا ایک اہم اجلاس اور پریس کانفرنس کا انعقاد کیا گیا۔ اجلاس میں ہنزہ بھر سے سول سوسائیٹیز جن میں چیمبر آف کامرس ہنزہ کے ایگزیکٹیو ممبر اور سابقہ نائب صدر فدا کریم، بزنس ایسوسی ایشن ہنزہ کے صدر سلمان کریم، ہوٹل ایسوسی ایشن علی آبادشاہ نواز،کریم آباد یلفئیئرایسوسی ایشن کے صدر ایاز اللہ بیگ، ایل ایس او حیدر آباد کے جنررسیکریٹری بشارت علی، ٹرانسپورٹ ایسوسی ایشن کے صدر خوش آمدین،ٹاون منیجمنٹ کریم آباد ہنزہ کے فنانس سیکرٹیری جہانگیر شاہ اور ایل ایس او حیدر آباد ہنزہ کے نائب صدر افتخار علی کے ساتھ دیگر سول سوسائیٹیز کے ممبران و عہداداران نے شرکت کی عہداداران نے شرکت کی۔

اجلاس اور پریس کانفرنس سے خطاب کرتے ہوئے چیف ایگزیکٹیو آفیسر سیڈو گلگت بلتستان عزیز کریم نے کہا کہ گلگت بلتستان سیڈو او ر گلگت بلتستان حکومت نے مل کر گلگت بلتستان کی نئی نسل تمباکو نوشی کی لعنت سے دور رکھنے کے کیے گلگت ڈویژن کے چار اضلاع تمباکو سموک فری گلگت بلتستان کا آغاز کیا گیا ہے، اس مہم کا اہم مقصد گلگت بلتستان میں حکومت کے ساتھ مل کر تمباکو نوشی کے متعلق قوانین پر عمل درآمد کروانا اور انسداد تمباکو نوشی کے ایکٹ 2002 کے مطابق قوانین پر عمل در آمد کروانا ہے۔

گلگت بلتستان کی حکومت اس مہم میں سیڈو کے ساتھ برابر کا ساتھ دے رہی ہے او ر وزیر اعلیٰ گلگت بلتستان حافظ حفیظ الرحمٰن نے اس مہم کو سرکاری سطح حصہ بننے کا اعلان کر کے باضابطہ طور پر اس مہم میں شمولیت اختیار کی ہے۔ گلگت بلتستان قانون ساز اسمبلی میں انسداد تمباکو کے لیے باقائدہ قانون سازی میں حکومت او ر اپوزیشن دونوں نے تعاون کیا ہے او ر جلد اس حوالے بل اسمبلی میں پیش کی جائے گی۔ ا نہوں نے مزید کہا کہ اس مہم کا ایک اہم مقصد یہ ہے کہ ہم اپنی نئی نسل کو اہم لعنت سے بچا سکیں۔

اس موقع پر انہوں سیڈو گلگت بلتستان کے اس مہم کے حوالے سے کئے گئے اقدامات کا ذکر کرتے ہوئے کہا کہ سیڈو کی کوششوں سے کمشنر گلگت ڈویژن نے گلگت ڈویژن کے تمام اضلاع میں ڈپٹی کمشنرز کے زیر نگرانی ضلعی ٹاسک فورس کا قیائم کئے ہیں جو کہ اضلاع میں انسداد تمباکو نوشی کے قوانین پر عمل درآمد کی ذمہ دار ہونگے۔
پر یس کانفرنس سے خطاب کرتے ہوئے فدا کریم ایگزیکٹیو ممبراو رسابقہ صدر ہنزہ چیمبر آف کامرس نے کہا کہ سیڈو نے ہمارے بچوں کی مستقبل تباہ ہونے سے بچانے کے لیے بہت اہم قدم اُٹھایا ہے او ر اس مہم میں ہم ہنزہ کے تمام سول سوسائئیٹز اس مہم میں ہر قسم کی تعاون اور مدد کے لیے تیار ہیں۔

انہوں نے مذید کہا کہ بعض سرکاری آفیسرز اور ڈاکٹرز دوران ڈیوٹی تمباکو نوشی کرتے ہیں جس سے معاشرے کو ایک منفی تاثر جاتا ہے اور ساتھ ساتھ وہ قانون کی خلاف ورزی کے بھی مرتکب ہوتے ہیں ایسے آفیسرزکو چاہیے کہ وہ خود قانون شکنی سے باز رہیں اور معاشرے کو بھی اس لعنت سے دور رکھنے میں معاونت کریں۔


پریس کانفرنس میں ایل ایس او حیدر کے جنرل سیکرٹیری بشارت علی نے اپنے خیالات کا اظہار کرتے ہوئے کہا کہ سیڈو نے ہنزہ کے تمام سول سوسائٹیز کا کام آسان کیا ہے اور اس مہم سے بچوں کو اس لعنت سے دور رکھنے او ر حکومت کو قوانین پر عمل درآمد کروانے میں مدد ملی گی۔

اس اجلاس اور پریس کانفرنس میں صدر بازار ایسوسی ایشن سلمان کریم، ایاز اللہ بیگ صدر ویلفیئر ایسوسی ایشن کریم آباد ہنزہ اور شاہ نواز شاہ صدر ہوٹل ایسوسی ایشن نے تمباکو سموک فری ہنزہ مہم کو علاقے کے لیے خوش آئند قرار دیتے ہوئے اس مہم میں بھر پو ر تعاون کرنے کی یقین دہانی کروائی۔

غیر سرکاری اور فلاحی ادارہ اور ہنزہ بھر کے سول سوسائیٹیز کے مہم کا مقصد بچوں کو تمباکو نوشی سے دور رکھنے کے قوانین پر عمل درآمد کروانا ہے۔

اجلال حسین ہنزہ میں مقیم ایک صحافی ہیں اور ہنزہ پریس کلب کے عہدیدار بھی ہیں۔

Advertisement
Click to comment

خبریں

گلگت بلتستان اسمبلی سے منظوری کے بعد انسداد تمباکو میں آسانی

اسلم شاہ

Published

on

ہنزہ (اسلم شاہ) گلگت بلتستان اسمبلی سے ایکٹ کی منظوری کے بعد انسداد تمباکو میں آسانی پیدا ہو گئی ہے. اس مہم سے ضلع ہنزہ کے نئی نسل کو تمباکو نوشی اور اور تمباکو نوشی کے متعلق دیگر منشیات سے دور رکھنے میں معاونت ملی گی۔نئی ایکٹ کے تحت قوانین کی سختی سے انسداد تمباکو کے لیے بہت اہمیت کے حامل ہیں۔

ان خیالات کا اظہار تمباکو سموک فر ی ہنزہ مہم کے ترجمان اور انسداد تمباکو ٹاسک فورس ہنزہ کے ممبر جبار خان ڈپٹی ڈائریکٹر ایجوکیشن ضلع ہنزہ نے سیڈو ہنزہ کے نمائندے سے ماہانہ کارکردگی جائزہ کے حوالے سے ملاقات میں کی۔اس موقع پر انہوں نے کہا کہ سیڈو اور حکومت گلگت بلتستان کی طرف سے ہنزہ میں جاری مہم کے مثبت اثرات آنے والے وقتوں میں واضح طور پر نظر آئیں گے، کیونکہ نئی نسل کو تمباکو نو شی سے بچانے کے لیے گلگت بلتستان اسمبلی نے جو ایکٹ منظور کی تھی گو رنر گلگت بلتستان کی دستخط کے بعد باقاعدہ قانون کی شکل اختیار کرچکی ہے اور اس ایکٹ کے تحت تعلیمی اداروں اور صحت کے اداروں سے اطراف میں دو سومیٹر کے حددد میں کسی بھی قسم کی تمباکو نوشی سے متعلق کاروبار کی ممانیت ہوگی اور یہ اقدام تعلیمی اداروں کے حوصلہ افزا ہوگی۔

اس موقع پر ڈپٹی ڈائریکٹر ایجوکیشن ضلع ہنزہ نے اس مہم کو کامیاب بنانے اور نئی نسل کو منشیات جیسے لعنت سے دور رکھنے کے لیے محمکہ تعلیم ہنزہ کی جانب سے ہر قسم کی تعاون کی یقین دہانی کرواتے ہوئے کہا کہ یہ مہم ہم سب کی مہم ہے اور نئی نسل کو تمباکو نوشی جیسے نقصاندہ اور مضر عادت سے دور رکھنا ہم سب کا فرض ہے۔سیڈو گلگت بلتستان کی جانب سے قوانین پرعمل درآمد کروانے کی کوشش میں میں ہم سب برابر کے شریک ہیں، جہاں قانون شکنی ہوگی وہاں ہم بھی اس ادارے کے ساتھ مل کر نشاندہی کریں گے۔

اس موقع پر سیڈو گلگت بلتستان کے نمائندے کی جانب سے ضلع میں ہونے والے تمام سرگرمیوں سے ڈپٹی ڈائریکٹر ایجوکیشن ضلع ہنزہ کو آگاہ کیا، جس پر انہوں نے اطمنان کا اظہار کیا۔

Continue Reading

خبریں

سب ڈویژن گوجال ہنزہ کے اسسٹنٹ کمشنر اور تحصیل کے دفاتر سموک فری قرار

اسلم شاہ

Published

on

محمد ذولقرنین خان اسسٹنٹ کمشنر سب ڈویژن گوجال ہنزہ

ہنزہ (اسلم شاہ) سب ڈویژن گوجال ہنزہ میں غیر سرکاری و فلاحی ادارہ سیڈو گلگت بلتستان اور گلگت بلتستان حکومت کا مشترکہ مہم انسداد تمباکو نوشی مہم کے تحت محمد ذولقرنین خان اسسٹنٹ کمشنر سب ڈویژن گوجال ہنزہ نے اسسٹنٹ کمشنر اور تحصیل کے دفاتر کو سموک فری قرار دیکر باقاعدہ مہم کا آغاز کیا۔

اس موقع پر محمد ذولقرنین خان اسسٹنٹ کمشنر سب ڈویژن گوجال ہنزہ نے کہا کہ کم عمر بچوں کو تمباکو نوشی سے دور رکھنے کے لیے سیڈو گلگت بلتستان کی کاوشیں قابل تحسین ہیں،اس مہم کے تحت سب ڈویژن گوجال ہنزہ میں کم عمر بچوں تمباکو نوشی جیسے لعنت سے دور رکھنے میں مدد ملی گی، گلگت بلتستان حکومت کی جانب سے حالیہ منظور کردہ انسداد تمباکو نوشی ایکٹ میں وضع کردہ قوانین پر عمل درآمد کروانے میں انتظامیہ اپنا بھر پور مثبت کردار ادا کرے گا۔

انہوں نے مزید کہا کہ سب ڈویژن گوجال سیاحوں کی توجہ کا مرکز ہے اور جس طرح پلاسٹک فری ہنزہ مہم کی وجہ سے نہ صرف ملکی سطح پر بلکہ بین الاقوامی سطح پر پزیرائی ملی ہے اس مہم کے باعث مزید ہنزہ کا مثبت چہرہ دنیا کے سامنے آئے گا۔اس موقع پر انہوں نے کہا کہ سب ڈویژن گوجال ہنزہ میں کسی کو بھی انسداد تمباکو کے قوانین کی خلاف ورزی کی اجازت نہیں دی جائے گی تاکہ نئی نسل اس لعنت سے دور رہ سکیں۔

اس موقع پر محمد ذولقرنین خان اسسٹنٹ کمشنر سب ڈویژن گوجال نے اے سی آفس میں اسٹیکر لگا کر اور تحصیل کے دفاتر میں اسٹیکر لگاوا کرعملی طور پر سرکاری دفاتر میں تمباکو نوشی پر پابندی لگائی۔

یاد رہے کہ گلگت بلتستان حکومت نے انسداد تمباکو نوشی ایکٹ کے ذریع گلگت بلتستان میں اٹھارہ سال سے کم عمر کے بچوں کو تمباکو نوشی سے متعلق اشیاء کی فروخت، تعلیمی اداروں اور صحت کے مراکز کے دو سو میٹر کے فاصلے تک تمباکو نوشی سے متعلق اشیاء کی خرید وفروخت، کھلا سگریٹ کی فروخت(یعنی دانوں کی شکل میں فروخت) اور سموگل اسگریٹ کی فروخت کو غیر قانونی قرار دیا ہے۔ اور یہ بھی لازمی قرار پایا ہے کہ تمباکو نوشی سے متعلق کاروبار کرنے کے لیے باقاعدہ لائسنس حاصل کرنا ہوگا۔

Continue Reading

خبریں

ہنزہ میں بچوں کو تمباکو نوشی سے دُور رکھنے کے لیے کروائی جائے گی

رحیم امان

Published

on

ہنزہ میں بچوں کو تمباکو نوشی سے دُور رکھنے کے لیے کروائی جائے گی

ہنزہ (رحیم امان) ہنزہ میں بچوں کو تمباکو نوشی سے دُور رکھنے کے لیے اور انسداد تمباکو کے قوانین پر بھر پور عمل درآمد کروائی جائے گی۔ فرمان کریم تحصیل دار علی آباد ہنزہ. سیڈو گلگت بلتستان اور حکومت گلگت بلتستان کی مشترکہ مہم تمباکو نوشی سے پاک گلگت بلتستان کے تحت ضلع ہنزہ میں تمام اٹھارہ سال سے کم عمر بچوں کو تمباکو نوشی سے متعلق اشیاء کو فروخت کرنے پر پابندی عائد ہے۔جس کے لیے ضلعی سطح پر ٹاسک فورس بھی قائم کی گئی ہے۔

ٹاسک فورس کا ماہانہ اجلاس منعقد ہوتا ہے جس میں ضلعی ٹاسک فورس کی کارکردگی کا جائزہ لیاجاتا ہے۔انسداد تمباکو ٹاسک فورس ضلع ہنزہ کے رکن اور تحصیل دار علی آباد ہنزہ فرمان کریم سے سیڈو گلگت بلتستان ضلع ہنزہ کے نمائند ے اسلم شاہ نے تحصیل دار آفس علی آباد ہنزہ میں مُلاقات کی،اس مُلاقات میں تحصیل علی آباد میں انسد اد تمباکو کے قوانین پر عمل درآمد کروانے کے لیے کئے جانے والے اقدامات کا جائز لیا گیا اور اس مہم کو اور موثر بنانے کے لیے سفارشات پیش کئے گئے۔

فرمان کریم تحصیل دار علی آباد ہنزہ

اس موقع فرمان کریم تحصیل دار علی آباد نے کہا کہ سیڈو اور حکومت گلگت بلتستان کے مشترکہ مہم کے باعث عوام میں انسداد تمباکو نوشی کے قوانین کا شعور پیدا ہوا ہے،اور ہنزہ میں بچوں کو تمباکو نوشی سے دُور رکھنے کے لیے اور انسداد تمباکو کے قوانین پر بھر پور عمل درآمد کروائی جائے گی۔اس موقع پر سیڈو گلگت بلتستان کے ضلع ہنزہ کے نمائندے میں تحصیل میں ہونے والے انسداد تمباکو نوشی کی خلاف ورزیوں کی نشاندہی کرتے ہوئے قانونی کاروائی کرنے کی استداعا کی۔

Continue Reading

مقبول تریں