Connect with us

خبریں

گلگت بلتستان کے مشہور موسیقار امتیاز کريم ہنزہ میں انتقال کر گئے

عمران احمد ہنزائی

Published

on

امتیاز کريم

گلگت بلتستان کے مشہور بانسری اور روایتی شہنائی (بروشسکی: سرانائی) موسیقار امتیاز کریم ہنزہ میں انتقال کر گئے۔ وہ ہنزہ کلاسیکیل گروپ کے شریک بانی تھے۔ مقامی و ملکی سطح کے پروگراموں میں امتیاز کریم بانسری کے دھنوں کا جادو جگاتے تھے۔

بین الاقوامی سطح پر امتیاز کریم نے دو مرتبہ پاکستان کی نمائدگی کی۔ پاکستان کی لوک موسیقی کی نمائندگی کرنے کے لیے انھوں نے چین اور آسٹریلیا کا بھی دورہ کیا۔

مقامی ذرائع کے مطابق امتیاز کریم  بدھ شام کام سے گھر جارہے تھے جس دوران انھیں دل کا دورہ پڑا۔ ان کی عمر 40 برس تھی۔

گلگت بلتستان اور چترال کے ہر شعبے سے تعلق رکھنے والے موسیقی کے پرستاروں نے امتیاز کریم کی موت پر گہرے دکھ کا اظہار کیا ہے۔ امتیاز کریم نے نہ صرف اس خطے میں بانسری متعارف کرایا بلکہ کئی نوجوانوں کو بھی اسے بجانے کی تربیت دی۔

امتیاز کریم کے قریبی دوست اور ہنزہ کلاسیکل گروپ کے شریک بانی غازی کریم  نے اپنے فیس بک پوسٹ میں آج کے دن کو ہنزا کلاسیکل گروپ کے لئے ایک سیاہ دن قرار دیا ہے۔ امتیاز کریم کے بھائی اسحاق کریم  نے مداحوں اور دوستوں سے درخواست کی کہ وہ مرحوم موسیقار کے روح کے لئے دعا کریں۔

ویڈیو: امتیاز کریم ہنزا کلچرل فیسٹیول میں روایتی دھن بجا رہے ہیں۔

امتیاز کریم ہنزہ بلتت قلعے میں ملازمت کرتے تھے۔ وہ ایک بیوہ اور دو بیٹوں کو پیچھے چھوڑ گئے۔. امتیاز کریم کو ان کے آبائی گاؤں کریم آباد میں ہزاروں سوگواروں کی موجودگی میں دفنایا گیا۔

اس خبر کو انگریزی میں پڑھنے کے لیے یہاں کلک کریں

عمران احمد ہنزائی جی بی ڈاٹ پی کے ویب سائٹ کے بانی ہیں۔ وہ ڈیجیٹل میڈیا کے شعبے سے وابستہ ہیں اور اسلام آباد میں سین ٹینگل انٹرایکٹیو نامی کمپنی میں کام کرتے ہیں۔ انھیں فوٹوگرافی، بلاگ لکھنے اور رباب بجانے کا شوق ہے۔

Advertisement
Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

خبریں

ہنزہ میں بجلی کی لوڈشیڈنگ میں اضافہ

اسلم شاہ

Published

on

ہنزہ (اسلم شاہ) بروقت واجبات کی عدم ادائیگی کے باعث محکمہ برقیات کے لیے ڈیزل کی سپلائی میں تعطل کے باعث ہنزہ میں بجلی کی لوڈشیڈنگ میں اضافہ، جبکہ محکمہ پولیس ہنزہ کی جانب سے ادائیگیاں نہ ہونے کے باعث پٹرول پمپ مالکان نے محکمہ پولیس کو پٹرول کی ترسیل بند کردی۔

تفصیلات کے مطابق محکمہ پولیس ہنزہ کی پٹرول پمپ کے مالکان کو 35لاکھ سے زائد کا رقم واجب الادا ہے جس کے باعث پٹرول پمپ مالکان نے محکمہ پولیس کو پٹرولیم مصنوعات کی ترسیل بند کردی ہے پٹرول پمپ کے انتظامیہ کا کہنا ہے محکمہ پولیس کی جانب سے ادائیگیوں میں مسلسل تاخیر کے باعث پٹرول کی مصنوعات کی ترسیل بند کردی گئی ہے محکمہ کی جانب سے کوئی موقف سامنا نہیں آیا ہے۔ محکمہ پولیس کو تیل کی ترسیل بند ہونے کی وجہ سے بہت سے اہم معملات میں مشکلات کا سامنا ہو سکتا ہے۔

پٹرول پمپ کے انتظامیہ کے مطابق محکمہ برقیات کی جانب سے ادائیگیوں میں تاخیر کے باعث محکمے کو مسلسل تیل کی فراہمی میں مشکلات کا سامنا ہے اور پمپ انتظامیہ کو تیل کی ترسیل میں بھی مشکلات کا پیدا ہو رہے ہیں، جبکہ دوسری طرف ہنزہ میں لوڈشیڈنگ کے دورانیہ میں بھی اضافہ ہوا ہے۔یاد رہے کہ ہنزہ میں موجود تین میں سے دو ڈیڑل جنریٹر ہی کام کر رہے ہیں۔

Continue Reading

خبریں

ہنزہ پریس کلب میں سول سوسائٹی اور سیڈو گلگت بلتستان کا اہم اجلاس

Avatar

Published

on

سیڈو گلگت بلتستان اور حکومت گلگت بلتستان کی مشترکہ مہم تمباکو سموک فری گلگت بلتستان مہم کے تحت سموک تمباکو سموک فری ہنزہ کے تحت ہنزہ پریس کلب میں سول سوسائٹی اور سیڈو گلگت بلتستان کا ایک اہم اجلاس اور پریس کانفرنس کا انعقاد کیا گیا۔ اجلاس میں ہنزہ بھر سے سول سوسائیٹیز جن میں چیمبر آف کامرس ہنزہ کے ایگزیکٹیو ممبر اور سابقہ نائب صدر فدا کریم، بزنس ایسوسی ایشن ہنزہ کے صدر سلمان کریم، ہوٹل ایسوسی ایشن علی آبادشاہ نواز،کریم آباد یلفئیئرایسوسی ایشن کے صدر ایاز اللہ بیگ، ایل ایس او حیدر آباد کے جنررسیکریٹری بشارت علی، ٹرانسپورٹ ایسوسی ایشن کے صدر خوش آمدین،ٹاون منیجمنٹ کریم آباد ہنزہ کے فنانس سیکرٹیری جہانگیر شاہ اور ایل ایس او حیدر آباد ہنزہ کے نائب صدر افتخار علی کے ساتھ دیگر سول سوسائیٹیز کے ممبران و عہداداران نے شرکت کی عہداداران نے شرکت کی۔

اجلاس اور پریس کانفرنس سے خطاب کرتے ہوئے چیف ایگزیکٹیو آفیسر سیڈو گلگت بلتستان عزیز کریم نے کہا کہ گلگت بلتستان سیڈو او ر گلگت بلتستان حکومت نے مل کر گلگت بلتستان کی نئی نسل تمباکو نوشی کی لعنت سے دور رکھنے کے کیے گلگت ڈویژن کے چار اضلاع تمباکو سموک فری گلگت بلتستان کا آغاز کیا گیا ہے، اس مہم کا اہم مقصد گلگت بلتستان میں حکومت کے ساتھ مل کر تمباکو نوشی کے متعلق قوانین پر عمل درآمد کروانا اور انسداد تمباکو نوشی کے ایکٹ 2002 کے مطابق قوانین پر عمل در آمد کروانا ہے۔

گلگت بلتستان کی حکومت اس مہم میں سیڈو کے ساتھ برابر کا ساتھ دے رہی ہے او ر وزیر اعلیٰ گلگت بلتستان حافظ حفیظ الرحمٰن نے اس مہم کو سرکاری سطح حصہ بننے کا اعلان کر کے باضابطہ طور پر اس مہم میں شمولیت اختیار کی ہے۔ گلگت بلتستان قانون ساز اسمبلی میں انسداد تمباکو کے لیے باقائدہ قانون سازی میں حکومت او ر اپوزیشن دونوں نے تعاون کیا ہے او ر جلد اس حوالے بل اسمبلی میں پیش کی جائے گی۔ ا نہوں نے مزید کہا کہ اس مہم کا ایک اہم مقصد یہ ہے کہ ہم اپنی نئی نسل کو اہم لعنت سے بچا سکیں۔

اس موقع پر انہوں سیڈو گلگت بلتستان کے اس مہم کے حوالے سے کئے گئے اقدامات کا ذکر کرتے ہوئے کہا کہ سیڈو کی کوششوں سے کمشنر گلگت ڈویژن نے گلگت ڈویژن کے تمام اضلاع میں ڈپٹی کمشنرز کے زیر نگرانی ضلعی ٹاسک فورس کا قیائم کئے ہیں جو کہ اضلاع میں انسداد تمباکو نوشی کے قوانین پر عمل درآمد کی ذمہ دار ہونگے۔
پر یس کانفرنس سے خطاب کرتے ہوئے فدا کریم ایگزیکٹیو ممبراو رسابقہ صدر ہنزہ چیمبر آف کامرس نے کہا کہ سیڈو نے ہمارے بچوں کی مستقبل تباہ ہونے سے بچانے کے لیے بہت اہم قدم اُٹھایا ہے او ر اس مہم میں ہم ہنزہ کے تمام سول سوسائئیٹز اس مہم میں ہر قسم کی تعاون اور مدد کے لیے تیار ہیں۔

انہوں نے مذید کہا کہ بعض سرکاری آفیسرز اور ڈاکٹرز دوران ڈیوٹی تمباکو نوشی کرتے ہیں جس سے معاشرے کو ایک منفی تاثر جاتا ہے اور ساتھ ساتھ وہ قانون کی خلاف ورزی کے بھی مرتکب ہوتے ہیں ایسے آفیسرزکو چاہیے کہ وہ خود قانون شکنی سے باز رہیں اور معاشرے کو بھی اس لعنت سے دور رکھنے میں معاونت کریں۔


پریس کانفرنس میں ایل ایس او حیدر کے جنرل سیکرٹیری بشارت علی نے اپنے خیالات کا اظہار کرتے ہوئے کہا کہ سیڈو نے ہنزہ کے تمام سول سوسائٹیز کا کام آسان کیا ہے اور اس مہم سے بچوں کو اس لعنت سے دور رکھنے او ر حکومت کو قوانین پر عمل درآمد کروانے میں مدد ملی گی۔

اس اجلاس اور پریس کانفرنس میں صدر بازار ایسوسی ایشن سلمان کریم، ایاز اللہ بیگ صدر ویلفیئر ایسوسی ایشن کریم آباد ہنزہ اور شاہ نواز شاہ صدر ہوٹل ایسوسی ایشن نے تمباکو سموک فری ہنزہ مہم کو علاقے کے لیے خوش آئند قرار دیتے ہوئے اس مہم میں بھر پو ر تعاون کرنے کی یقین دہانی کروائی۔

غیر سرکاری اور فلاحی ادارہ اور ہنزہ بھر کے سول سوسائیٹیز کے مہم کا مقصد بچوں کو تمباکو نوشی سے دور رکھنے کے قوانین پر عمل درآمد کروانا ہے۔

Continue Reading

خبریں

ہنزہ میں بجلی کی غیر منصفانہ تقسیم کار کے باعث کریم آباد کے کاروبار مشکلات کا شکار

اسلم شاہ

Published

on

Karimabad Hunza Power outage

ہنزہ (بیورورپورٹ) ہنزہ میں بجلی کی غیر منصفانہ تقسیم کار کے باعث کریم آباد ہنزہ کے کاروباری حضرات مشکلات کا شکار ہیں بجلی کی منصفانہ تقسیم کار کے ذریعے بزنسسے منسلک افراد اور عوام الناس کے مسائل کو کم کرنے کی کوشش کی جائے۔ عبدالحمید صدر بزنس ایسوسی ایشن کریم آباد ہنزہ اور ایسوسی ایشن کے ممبران۔

تفصیلات کے مطابق صدر کریم آباد بزنس ایسوسی ایشن عبدالحمید نے مقامی میڈیا کے نمائندوں سے بات کرتے ہوئے کہا ہے کہ ہنزہ کو اس وقت بجلی کی شدید قلت کا سامنا ہے گلگت بلتستان میں سب سے زیادہ بجلی کا بحران ہنزہ میں پایا جاتا ہے حکومت گلگت بلتستان اور اعلیٰ حکام کی یقین دہانیوں کے باوجود مسلسل ہنزہ کو نظر انداز کیا جا رہا ہے،اور ہنزہ میں موجود بجلی کی تقسیم کار میں کریم آباد ہنزہ کو مسلسل نظر انداز کیا جا رہا ہے، انھوں نے مزید کہ کریم آباد ہنزہ کے بزنس سے منسلک افراد مسلسل بجلی کی بندش کے باعث مشکلات سے دو چار ہیں۔

Karimabad Hunza Power outage

کریم آبادہنزہ بازار کو دیگر علاقوں کی نسبت زیادہ لوڈشیڈنگ کا سامنا ہے کیونکہ مسگر پاور ہاوس کی پیداوار میں سردی بڑھنے کے ساتھ ساتھ مسلسل کمی کے باعث حالات سنگین ہوتے جا رہے ہیں اور دن کے وقت بازار کو مشکل سے ایک گھنٹے کی بجلی فراہم کی جاتی اور دیگر کمرشل علاقوں کو بجلی کی فراہمی تسلی بخش ہے اس لیے، محکمہ برقیات بجلی کی منصفانہ تقسیم کو یقینی بناتے ہوئے کریم آباد بازار کو دیگر کمرشل علاقوں کی طرح بجلی کی فراہمی یقینی بنایا جائے۔

Continue Reading

مقبول تریں