Connect with us

صحت

ہنزہ میں خسرہ سے بچاؤ مہم کا باقاعدہ آغاز

خسرہ سے بچاؤ مہم کا باقاعدہ آغاز ڈی ایچ او آفس علی آباد میں اسسٹنٹ کمشنر ہنزہ کیپٹن ریٹائرڈ قاسم اور ڈسٹرکٹ ہیلتھ آفیسر شیر حافظ نے ڈی ایچ او آفس ہنزہ میں باقاعدہ مہم کا آغاز کیا ۔

Published

on

ہنزہ میں خسرہ سے بچاؤ مہم کا باقاعدہ آغاز

ہنزہ ڈسٹرکٹ ہیلتھ آفس علی آباد میں خسرہ سے بچاؤ کی مہم کا باقاعدہ آغاز اسسٹنٹ کمشنر ہنزہ کیپٹن ریٹائرڈ قاسم نے کیا۔ اس موقعے پر اے سی ہنزہ نے تقریب سے خطاب کرتے ہوئے کہا ہنزہ میں خسرہ مہم کے دوران باقاعدہ مہم کی نگرانی کروں گا۔ ان کا کہنا تھا کہ ہنزہ میں والدین باشعور ہیں یہاں پروالدین ہر وقت عملہ سے تعاون کرتے ہیں اور آئندہ بھی تعاون کی امید کی جاتی ہے۔ اس مہم میں ڈسٹرکٹ انتظامیہ محمکہ صحت کے شانہ بشانہ کام کرے گی۔

اس موقعے پر ڈسٹرکٹ ہیلتھ آفیسر شیرحافظ نے کہا کہ ہنزہ میں والدین نے صحت کے حوالے ہر ایک مہم میں بھر پور ساتھ دیا ہے اور گلگت بلتستان میں سب سے زیادہ تعاون ہنزہ کے عوام اور خاص کر والدین کا رہا ہے اور ساتھ ساتھ ہنزہ کے صحافیوں اور میڈیا نے لوگوں میں شعور پھیلانے میں اہم کردار ادا کیا ہے۔

ان کا مذید کہنا تھا کہ خسرہ سے بچاؤ مہم کا مقصد بھی یہی ہے کہ زیادہ سے لوگوں کو میڈیا کے ذریعے اس مہم کے بارے میں آگاہی پھیلایا جا سکے۔

15 اکتوبر سے 27 اکتوبر تک اس مہم سے زیادہ سے زیادہ بچے مستفید ہوسکیں گے اور اس مہلک بیماری سے بچوں کو محفوط کیا جا سکے گا۔

اسلم شاہ کا تعلق ضلع ہنزہ سے ہے اور وہ ہنزہ پریس کلب کے رکن اور ماہنامہ کنجوت ٹوڈے میگزین کے ایڈیٹر بھی ہیں

Advertisement
Click to comment

پاکستان

پاکستان میں کورونا وائرس کے 2 کیسز سامنے آگئے، ایک کا تعلق گلگت بلتستان سے

Published

on

پاکستان میں کورونا وائرس کے 2 کیسز سامنے آگئے، ایک کا تعلق گلگت بلتستان سے
وائس آف امریکہ

وزیراعظم کے معاون خصوصی برائے صحت ڈاکٹر ظفر مرزا نے تصدیق کی ہے کہ پاکستان میں کورونا وائرس کے 2 کیسز سامنے آئے ہیں۔ ایک کیس کی تشخیص کراچی کے آغا خان یونیورسٹی ہسپتال میں جبکہ دوسرے کیس کی تشخیص اسلام آباد کے نیشنل انسٹی ٹیوٹ آف ہیلتھ(این آئی ایچ) میں ہوئی۔

 وزیراعظم عمران خان کے معاون خصوصی برائے صحت ڈاکٹر ظفر مرزا نے پاکستان میں کورونا وائرس کے 2 کیسز کی تصدیق کرتے ہوئےکہا ہے کہ  دونوں مریضوں کا اسپتال میں علاج کیا جارہا ہے اور دونوں کی حالت خطرے سے باہر ہے۔

یحییٰ جعفری 10 فروری کو تہران سے قُم پہنچا اور فلُو کا شکار ہوا،18 فروری کو اسے بخار،سردرد،ناک کا بہنا اور جسم میں درد شروع ہوا، 6 روز بعد کراچی کے نجی اسپتال میں ٹیسٹ کروایا تو کورونا کی تصدیق ہوئی جس کے بعد اسے خصوصی وارڈ منتقل کردیا گیا ہے۔

دوسری جانب حکام وزارت صحت کے مطابق کورونا وائرس کا دوسرا کیس اسلام آباد میں سامنے آیا ہے، متاثرہ شخص کا تعلق  گلگت بلتستان سے ہے۔ حکام کا کہنا ہے کہ نیشنل انسٹی ٹیوٹ آف ہیلتھ(این آئی ایچ) نے متاثرہ شخص کے ٹیسٹ کے بعد کورونا وائرس کی تصدیق کی ہے جس کے بعد اسے پاکستان انسٹی ٹیوٹ آف میڈیکل سائنسز( پمز) میں آئیسو لیشن وارڈ منتقل کردیا گیا ہے۔

ترجمان سندھ حکومت مرتضٰی وہاب کا کہنا ہے کہ متاثرہ شخص کو فوری طور پر آئسولیشن وارڈ منتقل کردیا گیاہے جب کہ اس کے ساتھ جہاز میں سفر کرنے والے دیگر افراد کو بھی تلاش کررہے ہیں۔ مرتضیٰ وہاب کا کہنا ہے کہ یحیٰی جعفری کو شایدائیرپورٹ پر اسکین نہیں گیا گیا تھا، ائیرپورٹ صوبائی حکومت کے نہیں وفاقی حکومت کے کنٹرول میں ہیں،ائرپورٹ پر فوری طور پر نگرانی بڑھانے کی ضرورت تھی۔ سندھ حکومت کے ترجمان کا کہنا ہے کہ کورونا وائرس کی روک تھام کے لیے سندھ حکومت تمام اقدامات کررہی ہے،کورونا وائرس سے متعلق کٹس موجود ہیں جو کہ اسپتال میں فراہم کردی گئیں ہیں،ایران سےآنے والی فلائٹس روکنا بھی ضروری قدم ہوگا۔

 کرونا وائرس کے خطرے کے پیش نظر پاکستان اورایران میں براہ راست پروازوں پر تاحکم ثانی پابندی عائد کردی گئی ہے، لاہور کراچی اور اسلام آباد سمیت ملک کے تمام حصوں سے ایران جانے والی تمام پروازیں بند رہیں گی۔

کروناوائرس کیس سامنے آنے پر سرجیکل ماسک کی قیمتوں میں ہوشربا اضافہ ریکارڈ کیا گیا ، 50 سرجیکل ماسک کےڈبےکی قیمت میں1500روپےتک اضافہ ہوا اور 80 روپے والا ڈبہ 2500 روپے تک فروخت ہونے لگا۔ دوسری جانب تاجروں نے سرجیکل ماسک مارکیٹ سےغائب کردیئے،اے آروائی نیوز کے اسٹنگ آپریشن لیکن کسی کے کان پرجوں نہیں رینگی ،مارکیٹ میں سرجیکل ماسک کا باکس ایک ہزارروپے کاہوگیا ہے۔

Continue Reading

خبریں

بلتت یوتھ آرگنائزیشن کا ہنزہ میں تمباکونوشی کے خلاف دفعہ 144 لگانے کی حمایت

Published

on

بلتت یوتھ آرگنائزیشن

ڈی سی ہنزہ فیاض احمد کی جانب سے ضلع ہنزہ میں تمباکونوشی کے خلاف دفعہ 144 نافذ کرنے کے بڑے قدم کو نوجوان لیڈرز منصور شریف صدر بلتت یوتھ آرگنائزیشن اور محمد فضائل جنرل سیکرٹری بلتت یوتھ آرگنائزیشن نے خوش آئند قرار دیا ہے۔ اپنے ایک ویڈیو پیغام میں منصور شریف اور محمد فضائل نے خوش آیند قرار دیتے ہوئے کہا ہے کہ اس عمل سے نئی نسل کو تمباکو نوشی سے بچانے میں مدد ملے گی۔

اس سے قبل ڈی سی ہنزہ فیاض احمد غیر سرکاری فلاحی ادارہ سیڈو کی مشترکہ مہم تمباکو سموک فری ہنزہ مہم کے تحت ہنزہ بھر میں ا ٹھارہ سال سے کم عمر کے بچوں کو تمباکو کے اشیاء فروخت کرنے، کھُلا سگریٹ فروخت کرنے، تعلیمی اداروں اور صحت کے اداروں سے 50 میٹر فاصلے کے اندر تمباکو نوشی سے متعلق اشیاء فروخت کرنے، تمام پبلک ٹرانسپورٹ میں تمباکو نوشی کرنے،تمام پبلک علاقوں میں تمباکو نوشی کرنے اور تمام سرکاری و نیم سرکاری اداروں میں تمباکو نوشی کرنے پر پابندی عائد کرتے ہوئے تمباکو نوشی کے خلاف ہنزہ بھر میں دفعہ 144 نافذ کیا تھا۔

محمد فضائل جنرل سیکرٹری بلتت یوتھ آرگنائزیشن کا کہنا ہے کہ ہنزہ سے منشیات کے خاتمے کے لیے نوجوان اور بلتت یوتھ آرگنائزیشن ڈپٹی کمشنر کے ان اقدامات کو عملی شکل دینے کے لیے ہر ممکن تعاون کے لیے تیار ہیں۔

بلتت یوتھ آرگنائزیشن کے صدر منصور شریف نے کہا کہ یوتھ اور ہنزہ کی عوام کو چاہئے کہ وہ اس عمل کی حمایت کریں اور ہنزہ میں تمباکونوشی کے خلاف لگائے گئے دفعہ 144 کو نافذ کرنے میں اپنا کردار ادا کریں ۔

Continue Reading

خبریں

ضلع ہنزہ میں تمباکونوشی کے خلاف دفعہ 144 نافذ

Published

on

ضلع ہنزہ میں تمباکونوشی کے خلاف دفعہ 144 نافذ

ہنزہ (اکرام نجمی) حکومت گلگت بلتستان اور غیر سرکاری فلاحی ادارہ سیڈو کی مشترکہ مہم تمباکو سموک فری ہنزہ مہم کے تحت ہنزہ بھر میں ا ٹھارہ سال سے کم عمر کے بچوں کو تمباکو کے اشیاء فروخت کرنے، کھُلا سگریٹ فروخت کرنے، تعلیمی اداروں اور صحت کے اداروں سے 50 میٹر فاصلے کے اندر تمباکو نوشی سے متعلق اشیاء فروخت کرنے، تمام پبلک ٹرانسپورٹ میں تمباکو نوشی کرنے،تمام پبلک علاقوں میں تمباکو نوشی کرنے اور تمام سرکاری و نیم سرکاری اداروں میں تمباکو نوشی کرنے پر فیاض احمد ڈپٹی کمشنر ہنزہ نے پابندی عائد کرتے ہوئے تمباکو نوشی کے خلاف ہنزہ بھر میں دفعہ 144 نافذ کیا ہے، دفعہ 144 پر سختی سے عمل درآمد کروایا جائے گا، نئی نسل کو تباہ ہونے سے بچانے کے قوانین کی خلاف ورزی کرنے والوں کو قانون کے تحت سخت کاروائی کی جائے گی۔

ہنزہ کو جنوبی ایشیاء کا پہلا پلاسٹک فری علاقہ ہونے کا اعزاز ملنے کے بعد اب ہنزہ کی نئی نسل کو تمباکو نوشی جیسی لعنت سے دور رکھنے کے لیے حکومت گلگت بلتستان اور غیر سرکاری اور فلاحی ادارہ سیڈو کی مشترکہ مہم تمباکو سموک فری ہنزہ کے تحت ہنزہ بھر میں تمباکو نوشی اور تمباکو نوشی سے متعلق کاروبار کی حوصلہ شکنی کے لیے ڈپٹی کمشنر ضلع ہنزہ فیاض احمد کی جانب سے دفعہ 144 نافذ کیا گیا ہے۔

ضلع ہنزہ میں تمباکونوشی کے خلاف دفعہ 144  نافذ

تفصیلات کے مطابق گزشتہ جمعہ ڈپٹی کمشنر ضلع ہنزہ فیاض احمد نے ہنزہ پریس کلب کے ممبران اور عہداراروں کے ساتھ ایک میڈیا بریفنگ میں ہنزہ بھر میں ا ٹھارہ سال سے کم عمر بچوں کو تمباکو کے اشیاء فروخت کرنے، کھُلا سگریٹ (دانوں کی شکل میں)فروخت کرنے،تعلیمی اداروں اور صحت سے متعلقہ اداروں کے 50میٹر فاصلے کے اندر تمباکو نوشی سے متعلق اشیاء فروخت کرنے(کاروبار کرنے)، تمام پبلک ٹرانسپورٹ میں تمباکو نوشی کرنے،تمام پبلک علاقوں میں تمباکو نوشی کرنے اور تمام سرکاری و نیم سرکاری اداروں میں تمباکو نوشی پر فیاض احمد ڈپٹی کمشنر ہنزہ نے پابندی عائد کرتے ہوئے تمباکو نوشی کے خلاف ہنزہ بھر میں دفعہ 144 نافذ کیا ہے۔

اس موقع پر انہوں نے کہا کہ ضلع بھر میں دفعہ 144 پر عمل کروانے کے لیے محکمہ پولیس، تمام اسسٹنٹ کمشنرز، تمام تحصیل اور دیگر اداروں کو احکامات جاری کردئیے جائے گے،اس ضمن میں کوئی کوتاہی برداشت نہیں کی جائے گی دفعہ 144 کی خلاف ورزی کرنے والے اداروں اور افراد کے خلاف قانون تحت سخت کاروائی عمل میں لائی جائے گی انہوں نے مزید کہا کہ ضلع ہنزہ میں انسداد تمباکو نوشی کے لیے ضلعی سطح پر ٹاسک فورس قائم کردی گئی ہے اس کااجلاس بہت جلد ہوگا جس میں لائحہ عمل اور اس مہم کو بہتر عملی اندازمیں موثر بنانے پر غور کیا جائے گا۔

ایک سوال کے جواب میں انہوں نے کہا کہ ٹاسک فورس کے اجلاس کے بعد وزارت صحت کی انتباہی تصاویر اور پیغام کے بغیر دستیاب سگریٹ یا سمُگل سگریٹ کے خلاف کاروائی قانون کے تحت عمل میں لائی جائے گی۔صحافی کے ایک سوال پر انہوں نے کہا کہ مختلف قسم کے فلیور زپر مبنی سگریٹ جس سے بچوں میں سگریٹ نوشی کی عادت بڑھانے کے لیے استعمال کی جاتی ہے اس پر آئندہ کی انسداد تمباکو نوشی ٹاسک فورس کی اجلاس میں پابندی عائد کی جائے گی۔

اس موقع پرڈی سی ہنزہ فیاض احمد نے اپنے ماتحت تمام اداروں کو تمباکو نوشی کے خلاف دفعہ 144پر عمل درآمد کروانے کے لیے احکامات جاری کر دئیے۔

Continue Reading

مقبول تریں