Connect with us

خبریں

آئی جی پی گلگت بلتستان کا ہنزہ کا دورہ ،سیاسی و سماجی اداروں کے وفود سے ملاقات

آئی جی پی گلگت بلتستان کا آغا خان ہائیر اسکنڈری سکول کریم آباد ہنزہ میں سیمینار سے خطاب، طلبہ کے سوالوں کے جوابات دئیے۔ ہنزہ پریس کلب کے ممبران سے خصوصی ملاقات اور ہنزہ کو درپیش مسائل پرگفت وشنید۔

Published

on

Sanaullah Abbasi, IGP, Gilgit-Baltistan

آئی جی گلگت بلتستان جناب ثنا اللہ عباسی نے ہنزہ کا دورہ کیا جس میں انہوں نے سیاسی و سماجی اداروں کے عہداران سے ہنزہ کو درپیش مسائل کے بارے تفصیلی بات چیت کی۔ انہوں نے کہا کہ ہنزہ ایک پرُ امن علاقہ ہے اور یہاں کے لوگ امن پسند ہیں۔ ہنزہ خواندگی کی وجہ سے دنیا میں مشہور ہے۔ یہاں کے لوگوں پر یہ فرض عائد ہوتا ہے کہ وہ گلگت بلتستان کے دیگر اضلاع کے تعلیم اور تعمیروترقی میں اپنا کردار ادا کریں۔

جی بی پولیس ہمیشہ ہنزہ کی ترقی میں اپنا کردار ادا کرتی رہے گی۔ ہنزہ ہر حوالے سے اپنی مثال آپ ہے جسکی حفاظت کرنے اور طلباء و طالبات کو زندگی کے ہر شعبے میں آگے لے جانے میں جی بی پولیس ان کی بھر پور مدد کریگی۔

آئی جی پی گلگت بلتستان کے اس دورے کے موقع پر ہنزہ کے سماجی اور سیاسی اداروں کے عہدادارن نے مختلف وفود کی شکل میں ملاقات میں گلگت بلتستان پولیس اور کے ایس ایف میں ہنزہ کو موثر نمائندگی دینے پر زور دیا۔

اس موقعے پر ہنزہ پریس کلب کے ممبران اور عہداداران نے آئی جی گلگت بلتستان ثنا اللہ عباسی سے صدر اجلال حسین کی قیادت میں ملاقات کی۔ انہوں نے آئی جی گلگت بلتستان کو ہنزہ آمد پر خوش آمدید کہا اور ہنزہ کو درپیش مسائل سے آگاہ کیا۔ آئی جی گلگت بلتستان نے ہنزہ پریس کلب کے ممبران کی نشاندہی پر ہنزہ میں سیاحت کے سیزن میں درپیش ٹریفک کے مسائل کے حل کے لیے نفری بڑھانے کی یقین دلائی ۔

آئی جی گلگت بلتستان نے آغاخان ہائیرا سیکنڈری سکول کریم آباد میں ایک سیمینار سے خطاب کیا اور طلباء کے سوالوں کے جوابات دئیے۔

اس موقع پر انہوں نے کہا کہ ملک اور علاقے میں امن وامان کی صورتحال بہتر ہو رہی ہے۔ طلبہ و طالبات معاشرے کو ترقی کی راہ پر گامزن کرسکتے ہیں۔

آئی جی گلگت بلتستان ثنا االلہ عباسی کے دورہ ہنزہ کے موقع پرجہاں ہنزہ میں سیاحت کے سیزن میں ٹریفک کے مسائل کا ذکر ہوا وہاں پر ہنزہ علی آباد اور کریم آباد میں خدمات انجام دینے والے دو ٹریفک اہل کار انعام کریم اور نصیر الدین کو ان کی بہترین کارکردگی کے باعث ہنزہ پریس کلب کے صحافیوں نے اپنی مشاہدہ کے تحت ترقی دینے اور انہیں انعام دینے کی سفارش کی، کیونکہ یہ دو اہل کار سیاحت کے سیزن میں ہنزہ میں ٹریفک کی روانگی میں اہم کردار ادا کرتے ہیں۔

آئی جی گلگت بلتستان ثنا اللہ عباسی نے ان دو ٹریفک اہل کاروں کی حوصلہ افزائی کرنے کے لیے ایس پی ہنزہ کو ہدایت دی۔

یاد رہے کہ ٹریفک اہل کار انعام کریم ، کریم آباد ہنزہ میں تنگ اور خراب روڑ پر دن رات ٹریفک کی روانگی کو برقرار رکھنے میں مصروف عمل رہتے ہیں اور نصیرالدین علی آباد ہنزہ مین بازار میں خدمات انجام دیتے ہیں۔

اسلم شاہ کا تعلق ضلع ہنزہ سے ہے اور وہ ہنزہ پریس کلب کے رکن اور ماہنامہ کنجوت ٹوڈے میگزین کے ایڈیٹر بھی ہیں

Advertisement
Click to comment

جرم

سی ٹی ڈی کاروائی میں گن پوائنٹ لوٹنے والا بین الصوبائی گروہ گرفتار

Published

on

سی ٹی ڈی اپریشنل ٹیموں کی کامیاب کاروائی, شام اوقات میں گن پوائنٹ پر شہریوں اور مسافروں کو لوٹنے والے بین الصوبائی گروہ گرفتار. گروہ میں دیامر، نگر، گلگت, سکارکوی اور ڈومیال کے لڑکے شامل ھیں جنکی نشاندہی پر دیگر ساتھیوں کی گرفتاری کے لیئے پولیس ٹیمیں تشکیل دی گئی ہیں۔

سی ٹی ڈی اپریشنل ٹیموں کی کامیاب کاروائی, شام اوقات میں گن پوائنٹ پر شہریوں اور مسافروں کو لوٹنے والے بین الصوبائی گروہ گرفتار. گروہ میں دیامر، نگر، گلگت, سکارکوی اور ڈومیال کے لڑکے شامل ھیں جنکی نشاندہی پر دیگر ساتھیوں کی گرفتاری کے لیئے پولیس ٹیمیں تشکیل دی گئی ہیں۔

گرفتار گروہ سے نقدی, موبائل فون، اسلحہ, اور دیگر قیمتی سامان برآمد کرکے تفتیش شروع کردی ہے۔ ابتدائی تفتیش میں گرفتار ملزمان نے سنسنی خیز اور دلچسپ انکشافات کردیئے ھیں۔

بین الصوبائی گروہ کا حالیہ دنوں نگر چھلت میں گن پوائنٹ پر شہریوں اور مسافروں کو لوٹنے کیس میں ملوث ھونیکے امکانات ھیں۔ گروہ نے نسیم سنیما چوک رمضان ھوٹل کی گلی میں موجود تندورچی سے نقدی اور موبائل, عسکری بینک گلی کے تندورچی سے نقدی اور موبائل فون, کنوداس ایریا میں گن پوائنٹ پر دوکاندار سے نقدی اور موبائل فونز, جوٹیال ذوالفقار اباد روڈ میں گن پوائنٹ کے ذریعے نقدی اور دیگر قیمتی سامان, جوتل سوسائٹی دفتر سے ڈکیتی کے ذریعے ھزاروں مالیت کے سامان اور نقدی اور گلگت کے دیگر ملحقہ علاقوں سے بھی اسلحے کی نوک پر درجنوں شہریوں اور مسافروں سے لاکھوں مالیت کے سامان اور نقدی چھین کر فرار ھوتے تھے۔

اے آئ جئ سی ٹی ڈی اپریشنل گلگت بلتستان حفیظ الرحمن

گروہ سے تفتیش شروع کردیا گیا ھے جب کہ گروہ میں دیامر,نگر,گلگت, سکارکوی, ڈومیال کے لڑکے شامل ھیں جنکی نشاندہی پر دیگر ساتھیوں کی گرفتاری کے لیئے پولیس ٹیمیں تشکیل دیدیں ھیں۔ سی ٹی ڈی اپریشنل ٹیم نے,سب انسپکٹر شیر عالم اور سب انسپکٹر سہراب احمد کی سربراہی میں کریک ڈاون کرکے چار روز میں آٹھ مفرور خطرناک اشتہاری ملزمان کو گرفتار کر کے متعلقہ تھانوں کے حوالے کر دیا گیا ہے۔

دونوں اپریشنل ٹیموں کی بہترین کارکردگی پر,,آئ جی پی گلگت بلتستان ڈاکٹر مجیب الرحمان نے نقدی سمیت A کلاس سرٹیفکیٹ جبکہ دونوں آپریشنل ٹیموں کو نقد 10 ھزار روپیے سمیت تھری کلاس سرٹیفکیٹ دینے کا اعلان کیا ہے۔

شہریوں کا بھی فرض بنتا ھیکہ وہ سیکورٹی اداروں کے ساتھ مکمل تعاون کریں تاکہ بہتر امن وامان اور عوام کے جان ومال کی حفاظت یقینی بنانے کے لیئے مزید اقدامات اٹھائیں گے, اے آئ جئ سی ٹی ڈی اپریشنل گلگت بلتستان حفیظ الرحمن کا روزنامہ اوصاف کو خصوصی انٹرویو.

Continue Reading

خبریں

کوہستان میں کے کے ایچ پر ملک آفرین کی گرفتاری کے خلاف احتجاج اور کھلی دھمکیاں

Published

on

Kohistan 24/7

کوہستان کے میرغزن سکندر اور انجینئر بخت بلند خان اور دیگر مظاہرین نے ہندرپ کیس کے ماسٹر مائنڈ ملک آفرین کو فوری طور پر رہا نہ کرنے کی صورت میں گلگت بلتستان کے عوام اورخُصوصاً اسماعیلیوں کو شاہرہ قراقرم اور کوہستان سے گزرنے نہ دینے کی دھمکی دی۔ اس کے ساتھ ہی مظاہرین نے کسی بھی ناخوشگوار واقعے کی ذمہ دار ڈی آئی جی گلگت بلتستان کو ٹھرایا۔

ملک آفرین کو عدالتی حکم پر گرفتار کیا گیا تھا اور ابھی ریمانڈ پر ہے۔ ملک آفرین کو گلگت بلتستان کے ضلع غذر کے علاقے ہندرپ سے گزشتہ سال چار افراد کو اغواء کرانے کے جرم میں گرمتار کیا گیا تھا۔

گلگت بلتستان کے ہر شعبہ ہائے زندگی سے تعلق رکھنے والے افراد نے اس شرانگیز واقعے کی مذمت کی ہے اور پی ٹی آئی حکومت سے فوری کاروائی کرنے کا مطالبہ کیا ہے۔

Continue Reading

پاکستان

پاکستان میں کورونا وائرس کے 2 کیسز سامنے آگئے، ایک کا تعلق گلگت بلتستان سے

Published

on

پاکستان میں کورونا وائرس کے 2 کیسز سامنے آگئے، ایک کا تعلق گلگت بلتستان سے
وائس آف امریکہ

وزیراعظم کے معاون خصوصی برائے صحت ڈاکٹر ظفر مرزا نے تصدیق کی ہے کہ پاکستان میں کورونا وائرس کے 2 کیسز سامنے آئے ہیں۔ ایک کیس کی تشخیص کراچی کے آغا خان یونیورسٹی ہسپتال میں جبکہ دوسرے کیس کی تشخیص اسلام آباد کے نیشنل انسٹی ٹیوٹ آف ہیلتھ(این آئی ایچ) میں ہوئی۔

 وزیراعظم عمران خان کے معاون خصوصی برائے صحت ڈاکٹر ظفر مرزا نے پاکستان میں کورونا وائرس کے 2 کیسز کی تصدیق کرتے ہوئےکہا ہے کہ  دونوں مریضوں کا اسپتال میں علاج کیا جارہا ہے اور دونوں کی حالت خطرے سے باہر ہے۔

یحییٰ جعفری 10 فروری کو تہران سے قُم پہنچا اور فلُو کا شکار ہوا،18 فروری کو اسے بخار،سردرد،ناک کا بہنا اور جسم میں درد شروع ہوا، 6 روز بعد کراچی کے نجی اسپتال میں ٹیسٹ کروایا تو کورونا کی تصدیق ہوئی جس کے بعد اسے خصوصی وارڈ منتقل کردیا گیا ہے۔

دوسری جانب حکام وزارت صحت کے مطابق کورونا وائرس کا دوسرا کیس اسلام آباد میں سامنے آیا ہے، متاثرہ شخص کا تعلق  گلگت بلتستان سے ہے۔ حکام کا کہنا ہے کہ نیشنل انسٹی ٹیوٹ آف ہیلتھ(این آئی ایچ) نے متاثرہ شخص کے ٹیسٹ کے بعد کورونا وائرس کی تصدیق کی ہے جس کے بعد اسے پاکستان انسٹی ٹیوٹ آف میڈیکل سائنسز( پمز) میں آئیسو لیشن وارڈ منتقل کردیا گیا ہے۔

ترجمان سندھ حکومت مرتضٰی وہاب کا کہنا ہے کہ متاثرہ شخص کو فوری طور پر آئسولیشن وارڈ منتقل کردیا گیاہے جب کہ اس کے ساتھ جہاز میں سفر کرنے والے دیگر افراد کو بھی تلاش کررہے ہیں۔ مرتضیٰ وہاب کا کہنا ہے کہ یحیٰی جعفری کو شایدائیرپورٹ پر اسکین نہیں گیا گیا تھا، ائیرپورٹ صوبائی حکومت کے نہیں وفاقی حکومت کے کنٹرول میں ہیں،ائرپورٹ پر فوری طور پر نگرانی بڑھانے کی ضرورت تھی۔ سندھ حکومت کے ترجمان کا کہنا ہے کہ کورونا وائرس کی روک تھام کے لیے سندھ حکومت تمام اقدامات کررہی ہے،کورونا وائرس سے متعلق کٹس موجود ہیں جو کہ اسپتال میں فراہم کردی گئیں ہیں،ایران سےآنے والی فلائٹس روکنا بھی ضروری قدم ہوگا۔

 کرونا وائرس کے خطرے کے پیش نظر پاکستان اورایران میں براہ راست پروازوں پر تاحکم ثانی پابندی عائد کردی گئی ہے، لاہور کراچی اور اسلام آباد سمیت ملک کے تمام حصوں سے ایران جانے والی تمام پروازیں بند رہیں گی۔

کروناوائرس کیس سامنے آنے پر سرجیکل ماسک کی قیمتوں میں ہوشربا اضافہ ریکارڈ کیا گیا ، 50 سرجیکل ماسک کےڈبےکی قیمت میں1500روپےتک اضافہ ہوا اور 80 روپے والا ڈبہ 2500 روپے تک فروخت ہونے لگا۔ دوسری جانب تاجروں نے سرجیکل ماسک مارکیٹ سےغائب کردیئے،اے آروائی نیوز کے اسٹنگ آپریشن لیکن کسی کے کان پرجوں نہیں رینگی ،مارکیٹ میں سرجیکل ماسک کا باکس ایک ہزارروپے کاہوگیا ہے۔

Continue Reading

مقبول تریں